Gihatagan og katin-awan ni Atty. Joel B. Mahinay sa Union of Peoples’ Lawyers in Mindanao nga walay legal nga basehan ang depensa nga conditional o counter-threat lamang ang pasangil sa grave threats nga giluwatan ni Bise Presidente Sara Duterte batok kang Presidente Ferdinand Marcos Jr., First Lady Liza Araneta-Marcos, ug kanhi House Speaker Martin Romualdez.
Gipasabot sa maong abogado nga sa higayon nga giluwatan na ang maong matang sa pamahayag, giisip na kini nga usa ka nahuman nga aksyon ug dili na kini mahimong bawion pinaagi sa pagpangatarungan nga gi-hulga usab ang usa ka opisyal.
Busa, gipunto ni Atty. Mahinay nga dili angay nga ipakita sa usa ka opisyal, labi na sa usa ka Bise Presidente, ang ingon niana nga matang sa kinaiya sa atubangan sa katawhan.
Imbis nga modepensa sa ingon nga paagi, angay matod pa nga tahuron ang proseso sa balaod tungod kay nakomiter na ang krimen sumala sa panan-aw sa maong abogado
