Nagkanayon si Atty. Samson So Tan nga usik lamang sa oras ang pagtuki sa prosekusyon sa mga isyu nga publiko na ang kahibalo, ilabi na sa alegasyon sa grave threat batok kang Bise Presidente Sara Duterte.
Gipasabot sa maong abogado nga base sa Rules of Evidence, dili na angayan nga labayon pa og panahon ang pagpamatuod sa mga butang nga tataw na nga nahibaloan sa katawhan pinaagi sa mga video nga nag-circulate sa internet.
Bisan pa man sa pagpresentar sa NBI expert witness, gikuwestiyon ni Atty. Tan ang limitasyon niini nga kutob ra sa pag-authenticate sa recording ug dili makatubag sa mas bug-at nga pangutana kung kini ba makonsiderar nga paglapas sa Konstitusyon o pagbudhi sa pagsalig sa publiko.
Tungod niini, giawhag sa eksperto ang panel nga mas tutukan na lang ang pagtubag kung ang maong mga aksyon igo ba gayud nga basehan sa impeachment imbis nga magpadayon sa ilang dramatikong pamaagi sa pagpresentar og ebidensya.
