Nakasinati og grabeng pagdagsa sa mga tawo ang People’s Day nga programa ni City Mayor Uy kagahapong adlawa tungod sa dako nga bulto sa mga benepisyaryo nga sayo pa lang sa kaadlawon nagpila na sa gawas sa City Hall.
Namahayag si City Information Officer Jade Adeser nga usa sa mga rason nganong bulto ang dagsa sa mga katawhan tungod daghan ang kanila ang nagdahom nga makadawat og susamang hinabang sama sa gipanghatag sa mayor niadtong miaging Dominggo isip kabahin sa iyang birthday celebration sa Barangay Carmen.
Bisan tuod naanad ang buhatan sa pag-cater sa 3,000 ngadto sa 4,000 ka mga tawo matag semana, matod pa ni Adeser nga talagsaon ang volume karong higayona kay nakita na ang mga tawo nga nagpila sayo sa buntag og hapon sa miaging adlaw.
Tungod sa maong sitwasyon, napugos matod pa ang lokal nga kagamhanan sa pag-manage sa taas kaayo nga linya nga miabot pa hangtod sa may Aurora-Macasandig ug sa dalan padulong sa Rio de Oro Boulevard.
