Dili man uyon sa gubat o unsang matang sa kagubot apan suportado sa lay theologian nga si Wilson C. Amad ang plano sa Armed Forces of the Philippines nga magtukod og modern defense development pinaagi sa usa ka military space center.
Giisip ni Amad nga usa ka futuristic ug gikinahanglan nga lakang ang pagkontrol sa space alang sa seguridad sa nasod, diin kini nagsilbi nga mas bug-at ug lig-on nga basehan sa pag-obserba sa mga hulga sa atong teritoryo.
Subay sa iyang pagtuo, ang maong pamaagi nagpakita og pagka-undisputed sa pagpanag-iya sa Pilipinas sa Batanes base sa oceanographic data ug sa probisyon sa Treaty of Paris sa 1898.
Gipasabot pa niya nga kini nga inisyatibo, nga gipunting nga makab-ot sa tuig 2028, maoy usa ka maalamong stratehiya sa pagpanalipod sa atong Exclusive Economic Zone sa nasud.
