Nagtuo si kanhi Kabataan partylist representative Raoul Manuel nga tataw nga nakasala og grave threats si bise presidente Sara Duterte tungod sa iyang mga pamahayag batok kang presidente Marcos.
Dugang pa sa kanhi representante, ang paghulga sa ulo sa pangulo pinaagi sa usa ka live video usa ka seryosong butang nga dili angay palampason bisan pa og wala pay nahitabong pisikal nga kadaotan.
Subay sa iyang kasinatian, ang mismong akto sa pagpanghulga makadaut sa mental ug psychological nga panglawas sa usa ka tawo, busa dako kini nga isyu ilabi na kung gikan kini sa usa ka taas nga opisyal sa gobyerno.
Tungod niini, gipamugos ni Manuel nga angay gyud nga manubag ang bise presidente sa iyang binuhatan ilabi na nga ang ebidensya mismo ang nagpakita sa iyang mga pahayag.
