Gidasig sa City Health Office ang mga pamilya karong Nutrition Month nga tutukan ang tema sa ika-52 nga Nutrition Month nga “Nutrisyon at Kalikasan, Ating Pangalagaan”.
Sa interbyu sa Bombo Radyo kang Mary Trissha D. Laureta-Granados, Nutritionist Dietitian II ug City Nutrition Program Coordinator sa City Health Office, iyang gipunting nga dako ang koneksyon sa maayong nutrisyon ug ang pag-atiman sa kinaiyahan.
Isip lakang sa pagpabilin sa maayong panglawas, giawhag niya ang publiko sa pag-amping sa atong palibot pinaagi sa saktong paglabay sa basura ug pagpananom og mga gulay ug prutas sa mga bakanteng luna.
Pinaagi usab sa paghimo og backyard gardening, gipabug-atan ni Granados ang kamahinungdanon sa pagpili sa mga pagkaon nga makahatag og benepisyo sa panglawas sa matag indibidwal.
