Katungdanan sa NBI ang pag-imbestigar sa mga bahad batok sa mga opisyal sa gobyerno bisan pa kon dili sila ang direkta nga biktima.
Sumala ni Atty. Constantino Tinnex Jaraula, kanhi mayor sa Cagayan de Oro ug kongresista, ang maong ahensya gitahasan sa balaod nga manalipod sa kagamhanan ug sa mga lider niini.
Dugang pa niini, gipatin-aw sa maong abogado nga kon dili makahimo ang NBI sa maong tahas, giisip kini nga dakong kapakyasan sa ilang katungdanan ug posibleng basehan sa pag-resign sa mga opisyal sa maong buhatan.
Busa, giklaro ni Atty. Jaraula nga obligasyon gyud sa ahensya ang pagpahigayon og imbestigasyon ug paghatag og proteksyon ngadto sa mga opisyal nga gihulga, walay labot kon kinsa ang direktang offended party.
