Kinahanglang dili lang kutob sa pag-analisar sa video ang himuon sa NBI, kundili angay usab nilang mapamatud-an nga dunay konkretong overt act o aksyon nga gihimo ang bise presidente.
Subay sa pamahayag ni Atty. Teodoro A. Pastrana, kinsa kanhi presidente sa Philippine Association of Law Schools, importante kini aron matino ang state of mind ug tinuod nga intensyon sa opisyal luyo sa mga kontrobersyal nga pahayag.
Dugang pa, giingon sa abogado nga daw nipis lang ang basehan sa paggamit sa pulong nga “assassin” tungod kay wala man kini direktang gilitok sa bise presidente, kinsa mahimong nakapamulong lamang tungod sa grabeng kasuko.
Busa, gikinahanglan gayud nga makita ang dugang lig-ong ebidensya aron dili lamang magbase sa emosyon o sa usa ka video ang paghukom sa maong isyu.
