Gikwestyon sa pundok sa Kabataan Partylist kon nganong nagpadayon pa ang operasyon sa NTF-ELCAC bisan og angay na kining bungkagon tungod sa pag-angkon nga wala na silay mga rebelde nga gikasangka.
Namahayag si Cobbie Jan Canda gikan sa maong grupo nga giisip na nila kining kalas-kalas lang sa kwarta sa katawhan.
Gipasabot ni Canda nga mas maayo pa nga ang 8 bilyones pesos nga pundo ipaagi na lang sa edukasyon ug mga serbisyong sosyal alang sa mga Pilipino.
Dugang pa sa iyang obserbasyon, tin-aw nga ang tuyo sa maong ahensya mao ang pagpang-atake, pag-intel, ug pagpanghadlok sa mga aktibista.
