Gikondena sa pundok sa Kabataan Partylist ang nagpadayong red-tagging sa mga aktibista sa dakbayan sa Davao, diin gipunting ni Cobbie Jan Canda gikan sa maong pundok nga usa kini ka pamaagi sa pagpanghasi ug pag-intimidate sa mga progresibong grupo.
Gipahayag ni Canda nga usa kini ka pag-usik sa kwarta sa mga magbubuhis tungod kay ang mga materyales sama sa poster ug flyer nga gigamit sa maong propaganda naggikan ra usab sa pondo sa gobyerno.
Busa, gisaway nila ang aksyon sa NTF-ELCAC kay imbes nga tumanon ang ilang tinuod nga mandato, mas gipili hinuon niini ang pagpakalat og black propaganda.
Nunot niini, gihagit sa partylist ang maong ahensya nga manubag sa paggamit sa pondo sa katawhan alang sa pagpanghadlok imbes nga ihatag kini sa serbisyong angay alang sa publiko..
