Giisip ni Atty. Ephraim B. Cortez sa National Union of Peoples’ Lawyers nga “surplusage” na lamang o dili na kinahanglan ang dugang testimonya gikan sa mga testigo sama ni Atty. Zuleyka Lopez aron mapalig-on ang kasong grave threats ug inciting to sedition batok ni Bise Presidente Sara Duterte.
Gipunto sa maong abogado nga sa dihang gipatokar ang video sa testimonya mismo sa bise presidente, igo na kini aron pagpamatuod sa mga akusasyon batok kaniya.
Dugang pa niya, malampuson na nga natukod sa ikaduhang testigo ang mga detalye sa gipahigayong imbestigasyon may kalabutan sa maong isyu.
Hinuon, nagtuo si Atty. Cortez nga duna nay igong basehan aron mapatuman ang ika upat nga artikulo sa impeachment batok sa opisyal.
