Mabati na ang ka bibo sa Amerika sa nagkadool nga finals sa FIFA World Cup 2026 nga ipahigayon sa MetLife Stadium sa East Rutherford, New Jersey.
Namahayag si Bombo International News Correspondent, Bombo Dolly Ilogon sa New York City, USA, nga anaa na karon sa nagkadiyutay nga gidaghanon ang mga available nga tiket alang sa maong grand finale karong Hulyo 19, alas 3 sa hapon.
Gikumpirma usab niini nga ang labing barato nga tiket mokabat na sa 8,162 dolyares, samtang ang presyo alang sa lower level sitting nga nagtanyag og mas duol nga talan-awon sa mga magdudula nagkantidad na og 11,898 dolyares.
Bisan pa niining kamahal sa presyo, gipunting ni Ilogon nga laomang magpabiling puno ug bibo gihapon ang mga stadium tungod sa grabeng kahinam sa mga fans gikan sa nagkalain-laing nasod nga gipaabot nga masaksihan ang makasaysayanong pagtapos sa maong kompetisyon.
