Gipahimangnoan sa buhatan sa DSWD regional office 10 ang mga benepisyaryo sa UPLIFT Assistance program nga hulat-hulatan lang ang pagproseso niini tungod kay moagi pa kini sa sistema sa nasyonal ug sa G2P(Government-to-Person) system alang sa digital payout sumala pa ni Roshiel Galla Regional Public Information Officer sa DSWD X.
Giklaro sa opisyal nga ang maong proseso nagkinahanglan og panahon aron masiguro nga sakto ang mga detalye sa mga benepisyaryo sa dili pa kini i-credit sa ilang mga bank account o e-wallet sugod karong buwan sa Agosto hangtod sa Disyembre.
Gipasabot usab niya nga ang listahan sa ikaduhang grupo naggikan sa 2024 community-based monitoring system sa Philippine Statistics Authority nga giapod-apod sa mga lokal nga kagamhanan ug kabarangayan.
Tungod niini, giawhag sa DSWD ang mga wala maapil sa maong surbey nga dili na lang muadto sa venue aron malikayan ang pagkasayang sa oras tungod kay wala nay dugang paglista nga ipahigayon
