Gihingusgan sa mga sakop sa transportasyon nga kinahanglan na gyud i-lift ang suspension sa pletehan aron mabuhi ang sektor taliwala sa sunod-sunod nga pag-usbaw sa presyo sa krudo.
Sumala pa kang Luzminda R. Escobidal sa Presidente sa PN Roa Canitoan Transport Cooperative o PONTRANSCO, subli nilang gipangayo sa gobyerno ang pagpatuman sa provisional fare increase nga nagkantidad og usa ka piso alang sa tradisyonal ug duha ka piso sa modernong mga jeepney.
Matod pa niya, dili na gyud hinuon kaya sa mga drayber ug operators ang gibug-aton sa inadlaw-adlaw nga gastuhan tungod sa kapakyasan sa ilang kita sa kalsada.
Gani, gikatakda nilang ipahigayon ang usa ka round table discussion uban ang buhatan sa LTFRB aron maplastar ang ilang mga mulo ug mahisgutan ang mga gikalibogang polisiya sa ahensya.
