Panawagan sa pundok sa Youth Rage Against Corruption nga isulti ang tinuod nga kahimtang ug ang mga nag-unang isyu sa korapsyon sa nasud karong Lunes sa State of the Nation Address ni Presidente Ferdinand Marcos Jr, matod pa sa National Convenor sa maong grupo nga si Joaquin Buenaflor.
Gawas pa niini, gipunting usab sa grupo ang ilang pagkondena ug pagbabag sa pagtukod sa Pax silica sa nasud tungod kay dako kini og epekto sa kinaiyahan ug sa milyun-milyong Pilipino.
Samtang gihangyo usab sa pundok ang konkretong aksyon sa administrasyon batok sa padayon nga pagtaas sa presyo sa mga palitunon ug ang hulga sa El Niño sa mga mag-uuma.
Busa gilauman matod pa sa ilang grupo ang mahinungdanong solusyon sa mga nasangpit nga suliran sa katawhan.
