Gikinahanglan sa National Union of Food Delivery Riders o Riders-Sentro ang pagsabot sa publiko ug mga kostumer sa mabug-at nga sistema ug risgo nga giatubang sa mga delivery rider matag adlaw.
Sumala pa ni Geoffrey Labudahon, sa maong grupo, masubo palandungon nga anaa sa seryosong kapeligrohan ang kinabuhi sa mga rider tungod sa nagkataas nga kaso sa krimen samtang naningkamot sila nga makapangita og ikapakaon sa ilang pamilya.
Gipasabot usab niya nga dili basta-basta ang pagbalibad sa mga booking tungod kay dako kini og epekto sa ilang acceptance rate ug sa ilang adlaw-adlaw nga kita.
Samtang nag-atubang sila sa kabalaka sa ilang kaluwasan, nanawagan si Labudahon sa publiko nga unta respetuhon ug hatagan og hustong panalipod ang mga nagtrabaho nga nag-antos sa kalisod sa kadalanan.
