Hugot nga nanawagan ang pangulo sa asosasyon sa mga wholesalers og isda sa pagtukod og mas dako ug modernong fish landing complex sa dakbayan.
Sumala pa kang Irene Floro, ang presidente sa Cagayan de Oro Seafoods Wholesalers Association, kinahanglan na gyud kaayo ang mas lapad nga pasilidad aron masulbad ang problema sa kakuwang sa espasyo ug trapiko sa Bulua Fish landing.
Gani, gibutyag niya nga ang ilang gihangyo naglangkob sa mga modernong butang sama sa cold storage, ice plant, saktong parkingan sa mga trak, ug hapsay nga sorting area alang sa mga mamalitay.
Gawas pa niini, gipasalig usab niya nga malipayon sila tungod kay gipaminaw ni mayor Klarex Uy ang ilang mga reklamo ug andam kining moabag sa pagpangita og haom nga luna sama sa Punta Macabalan.
