Lakip sa motambong ug moduyog sa kilos-protesta nga ipahigayon sa Commonwealth Avenue ang pundok sa Bunyog Party karong Lunes samtang manawagan si Presidente Ferdinand Marcos Jr. sa iyang ikalimang State of the Nation Address (SONA).
Giklaro kini ni Magnifico Domingo, ang Mobilization and Advocacy Chair sa Bunyog Party, atol sa iyang interbyu sa Bombo Radyo.
Matod niya, tungod kay nagpadayon ang kalisod ug ang pagsaka sa presyo sa mga palaliton ug gasolina nga gipas-an karon sa mga ordinaryong tawo, gikinahanglan gyong i-pressure ang gobyerno.
Tungod niini, padayon gihapon silang nanawagan ug mihagit sa administrasyon nga undangon na ang sige og saad kay lihok ug solusyon ang gikinahanglan sa katawhan.
