“Lahat ng pangako napako!” Mao kini ang gibutyag ni Magnifico Domingo, ang mobilization and advocacy chair sa Bunyog Party, kalabot sa mga nahabilin nga tuig sa kasamtangang administrasyon.
Dugang pa niya, wala naatol sa kamatuoran ang gisaad nga baynte pesos nga bili sa kada kilo sa bugas ug ang uban pang mga programa nga gipasalig sa pangulo kaniadto.
Matod pa niya, hangtod karon wala pa gihapon napapanubag ang mga “dakong isda” nga utok sa korapsyon sa nasud.
Busa karong Lunes, lakip sa makiusa ang ilang grupo sa kilos-protesta nga ipahigayon sa kaulohan aron maningil sa administrasyong Marcos ug magpahinumdom sa pangulo nga dili na magsigig saad kondili mulihok na alang sa kaayuhan sa katawhan.
