Kung naay State of the Nation Address si Pangulong Ferdinand Marcos Junior karong Lunes, naa usab State of the Labor Affairs o SOLA nga ipasundayag ang pundok sa mga mamumuo sa nasud.
Sumala pa ni Atty. Sonny Matula, ang presidente sa Federation of Free Workers, sugdan nila kini pinaagi sa usa ka tigom sa Quezon City aron ihatag ang ilang assessment sa dagan sa pamuo human sa nahisgutang mga tuig sa administrasyon.
Gani, giawhag usab niya ang gobyerno nga tul-iron na ang suholan o pasweldo sa tibuok nasud ug wagtangon ang ilegal nga kontraktuwalisasyon sama sa 555 scheme ug Endo (end of contract) pinaagi sa lapad nga inspeksyon.
Gawas pa niana, gipunto usab niya nga angay tutukan ang pagsaka sa presyo sa mga palaliton ug ang hingpit nga pagputol sa korapsyon sa nasud.
