Gisiguro sa Streetlight – Suga sa Dalan Organization, Inc. nga mahatagan og sakto ug kumpleto nga pag-atiman ang mga minorde nga biktima sa human trafficking aron dili na sila makabalik sa maong dautang buhat.
Sumala kay Streetlight – Suga Executive Director Esther Buehlmann, gipailalom sa ilang intervention ang matag bata sama sa pagbalhin kanila sa holding area sa CSWD alang sa dugang nga assessment ug pagpahigayon og medical check-up sa City Health batok sa STD.
Tungod niini, giproseso usab ang ilang medico-legal sa NMMC kauban ang pagkuha og affidavit sa kapolisan aron opisyal nga mapasaka ang kaso batok sa mga bugaw diha sa korte.
Katapusan niini, gipahiluna usab sa puy-anan o shelter ang mga batan-on aron nga magpabilin silang luwas ug hingpit nga maayo gikan sa trauma nga ilang naagian.
