Gikumpirma sa Apple TV+ ang pagbalik sa Emmy Award-winning nga serye nga “Ted Lasso” alang sa ikaupat nga season nga gikatakdang ipasalida karong Agosto 2026, uban sa pagbalik ni Jason Sudeikis isip coach nga si Ted Lasso.
Sa bag-ong season, mobalik si Ted sa AFC Richmond aron atubangon ang bag-ong hagit isip coach sa second division women’s football team sa maong club.
Lahi kini nga direksyon sa istorya kumpara sa miaging mga season, diin nakasentro ang iyang coaching journey sa men’s football team sa AFC Richmond.
Kauban sa pagbalik ni Sudeikis ang pipila ka pamilyar nga miyembro sa cast sama nila Hannah Waddingham, Juno Temple, Brett Goldstein, Brendan Hunt, ug Jeremy Swift.
Gipaabot sa mga fans ang bag-ong kapitulo sa “Ted Lasso” nga magpadayon sa pagpakita sa mga tema sa pagpangulo, pagtinabangay, ug mga hagit nga atubangon ni Ted sa iyang bag-ong papel isip coach. (JANE ABULAG)
