Nagkahait ug nagkalig-on na ang posisyon sa prosecution sa impeachment trial batok kang Vice President Sara Duterte, mao kini ang obserbasyon ni Tingog Partylist Representative Jade Acidre samtang dili matod niya gusto pangunahan ang posibleng resulta sa trial.
Sumala sa opisyal, tin-aw ug nindot ang paghan-ay sa mga ebidensya ilabi na sa mga kaduda-dudang pag-encash sa pundo nga giapilan pa sa mga bank manager.
Gawas pa niini, gipahayag sa lehisleydor nga gawas nga dili pormal nga makadawat og confidential funds ang Department of Education, aduna gihapoy daghang pangutana sa kung giunsa kini paggamit ug paglimpyo sa liquidation.
Tungod niini, importante matod niya nga maklaro ang tanan aron mahatagan usab og tsansa ang Bise Presidente nga makasaysay kon asa gidala ang maong kwarta.
