Giawhag ni Acting City Information Officer Jade Adeser ang mga katawhan ug mga bisita sa siyudad nga makigduyog ug suportahan ang grand launching sa Higalaay Festival karong adlaw nga Huwebes, petsa 6 sa Agosto.
Sigon sa opisyal, pagahimoon ang dako nga selebrasyon sa Rio de Oro Boulevard diin gihan-ay ang nagkadaiyang mga kalihokan sugod karon hangtod Agosto 31.
Atol sa maong okasyon, gipadayag ni Adeser nga maghatag og kalingawan ang pipila ka sikat nga artista ug banda sama nalang sa Itchyworms ug sa sikat nga singer nga si Darren Espanto.
Gawas pa niana, gilauman usab ang pagtambong sa mga VIP ug opisyal sa dakbayan aron maghiusa sa pag-abri sa kapistahan sa siyudad.
