Giklaro ni PRO-10 Spokesperson PMAJ. Joann Navarro nga wala nangahulogan nga nahimong smuggling hub ang Northern Mindanao tungod sa sunod-sunod nga dagkong operasyon sa mga smuggled nga sigarilyo sa buhatan.
Segun sa opisyal, ang pagkasakmit sa milyones nga kantidad sa kontrabando nagpakita lamang sa kaepektibo sa ilang intelligence gathering, border checkpoints, ug koordinasyon sa Bureau of Customs (BOC).
Gihatagan usab og kabug-aton sa opisyal nga walang gipaboran o gipanalipdan ang kapulisan sa ilang gihimong relentless ug intensified nga paggukod sa maong ilegal nga kalihokan.
Dugang pa niini, ang ilang operasyon nakapokus dili lang sa pagdakop sa mga drayber ug sakyanan, kon dili sa paggukod gayod sa mga tawo ug dakong grupo nga nagpaluyo sa maong smuggling.
