Aron masirado sa 15 pesos ang minimum nga plitehan sa mga jeepney, giduso sa United Drivers Association o UNIDA ang petisyong dos pesos nga saka sa pasahe ngadto sa Land Transportation Franchising and Regulatory Board.
Gisugyot usab ni UNIDA President Joel Gabatan ang direct deduction nga 10 hangtod 15 pesos nga diskwento sa matag litro sa krudo imbes nga ang karaan ug komplikadong sistema sa paglista-lista sa fuel subsidy.
Mibagutbot ang maong lider sa transportasyon tungod sa kadaghang mga drayber nga wala gihapon nakadawat sa maong ayuda gikan sa kagamhanan taliwala sa padayong pagtaas sa presyo sa lana.
Dugang pa sa maong opisyal, malaumon silang maaprubahan sa nasyonal nga buhatan ang maong mga hangyo lakip na ang pagpatanggong sa oil deregulation law ug excise tax aron mahatagan og gininhawa ang mga drayber sa komunidad.
