Gipasidaan ni Prof. Christopher Ryan Maboloc sa Ateneo de Davao University nga ang giplanong pag-oktaba sa Barangay ug SK Elections kay arbitraryo ug walay lig-ong rason.
Sumala sa propesor, gikan sa duha ka tuig nga termino kaniadto nga gioktaba aron mahimong tulo ka tuig, ang paninguha nga ipasibog kini pag-usab magpadugay na sa ilang paglingkod ngadto sa lima ka tuig.
Gipahayag usab sa akademiko nga ang Korte Suprema na ang magdesisyon sa legalidad niini.Iyang gipahinumdoman nga dili nagatugot ang Korte Suprema sa mabaw nga hinungdan sa pag-oktaba sa piniliay nga giisip nga kasingkasing ug kalag sa demokrasya.
Gipadayag usab sa propesor nga mas maayo pang ipadayon nalang ang mga opisyal nga maayong nagserbisyo kaysa pulihan og mga tapulan ug walay bisyon sa barangay.
