Miyukbo sa grabeng presyur ug giingong gibayran og milyon-milyon ang upat ka sakop sa kontrobersyal nga “18 ex-Marines” aron lang mubaliktad sa ilang unang pahayag.
Mismong si United People’s Initiative President Brig. Gen. Atty. Virgilio Garcia ang mikumpirma nga nibaliktad na ang upat ka sundalo human sila gipapirma sa usa ka andam na nga affidavit sa Office of the Ombudsman.
Sumala sa retiradong heneral, imbes nga suknaon bahin sa ilang reklamo, gidala sila sa usa ka negosasyon diin gipangitaan og paagi nga madawat nila ang gitanyag nga salapi.
Dugang pa niya, bisan wala pa matino kun para sa matag usa o alang na sa upat ang ₱25 milyon, kining dakong kantidad sa kwarta ang nakadani kanila.
