Magdepende sa klase sa kalihokan ang gidaghanon sa pulis nga ipakatap sa Cagayan de Oro City Police Office aron manteneron ang kahapsay sa tibuok bulan nga pagsaulog sa Higalaay Festival.
Gipadayag ni COCPO Spokesperson Police Major Emilita Simon nga nakahan-ay na ang mga security plan alang sa mga core, major, ug regular events sa dakbayan.
Subay niini, nagpadayon pa ang pinalisa-syon ug koordinasyon sa mga organizer samtang naghangyo na usab sila og dugang nga mga pulis gikan sa regional office.
Dugang pa sa opisyal, gi-seguro usab nga gawas sa full force nga kapulisan, gi-mobilize na ang mga force multiplier ug partner agencies aron maseguro ang kalinaw sa kapistahan.
