Wala pa’y pinal nga nga direktiba bahin sa ipatuman nga signal jamming atol sa mga dagkong okasyon sa gipahigayon nga Higalaay Festival sa dakbayan sa Cagayan de Oro.
Mao kini ang gitin-aw ni Cagayan de Oro City Police Office Spokesperson Police Major Emilita Simon subay sa pakipag-alayon sa mga organizers ug planners sa komite.
Atol sa gihimo nga konsultasyon, gipahayag sa opisyal nga kanunay nilang gihisgotan ang bahin sa pagpalong sa cellular signal ug mobile signal alang sa seguridad.
Hinuon giklaro sa tigpamaba nga mohatag gilayon sila ug kasayuran sa publiko sa higayon nga adunay na’y pinal nga desisyon alang sa kaayohan sa tanan.
