Gipadayag ni NAMFREL MisOr-CDO Chapter Representative Nestor Banuag ang ilang pormal nga pagsupak sa House Bill No. 10376 nga nagtumong sa pag-oktaba na usab sa Barangay ug SK Elections karong Nobyembre.
Dugang pa sa opisyal, angay gyud nga matuman sa gitakdang petsa sa Nobyembre 2, 2026 ang maong eleksyon imbes nga ilugway ngadto sa lima ka tuig ang termino sa mga naglingkod nga opisyal.
Gitin-aw sa grupo nga ang eleksyon lamang ang bugtong pamaagi aron mapulihan ang mga lider ug masiguro ang ilang pagpanubag o accountability sa katawhan.
Tungod niini, nagpagawas na sila og position paper aron opisyal nga ibasura ang maong balaodnon tungod kay ang tibuok nasud man ang maapektuhan kon ugaling mapatuman kini.
