Gibarugan ni NAMFREL MisOr-CDO Chapter Representative Nestor Banuag nga dili igo nga rason ang pag-ingon nga makadeposito og pondo ang nasud aron lang ipasibog ang Barangay ug SK Elections.
Gipasabot sa opisyal nga ang eleksyon dili basta-basta nga kagastohan sa gobyerno, kun dili usa kini ka importante nga puhunan alang sa kabag-ohan sa matag barangay sa sunod nga upat ka tuig.
Gawas pa niana, iyang gituldokan nga ang maong piniliay usa gayud ka pagpasiugda sa demokratikong katungod sa katawhan aron mapausab ang kalidad sa panggobyerno sa komunidad.
Aron usab matan-aw ang mas lapad nga anggulo, gipangusgan sa lider nga mas usik lang ang gobyerno sa pondo sanglit gigamit na gani sa Comelec ang budget para sa mga pagpangandam sa maong kalihokan.
