Gipahibalo sa Embahada sa Pilipinas nga luwas ug walay naangol nga mga Pilipino human sa natala nga magnitude 7.4 nga linog nga mitay-og sa kasadpang bahin sa Colombia.
Sumala ni Chargé d’Affaires ug Consul Atty. Judy Razon sa Bogota, Colombia, miabot na sa 80 porsyento o kadaghanan sa 119 ka mga dokumentadong Pilipino sa maong nasud ang nakumpirmang luwas ang kahimtang.
Nunot niini, bisan ang nag-inusarang Pilipino sa lungsod sa Chocó nga maoy epicenter sa paglinog ang nakaplagan usab nga luwas ug walay dautang nahitabo.
Dugang pa sa opisyal, nagpadayon ang ilang pakig-alayon sa Filipino community aron masiguro nga mapatuman ang sakto nga pag-monitor sa tanang mga kababayan sa nasud.
