Gibanabana nga mukabat sa ₱10-million ang kadaot sa miulbo nga dako nga sunog sa usa ka bodega sa DD Toys Warehouse didto sa Moreno Building, Gaabucayan Street, Barangay Lapasan sa dakbayan sa Cagayan de Oro kagahapong adlawa.
Gikumpirma ni Fire Investigator SFO2 Ky Nicole Reyes nga naggikan sa habagatang-sidlakang bahin sa bilding ang kalayo, diin ang maong kwentada gipasikad lamang sa kadaot sa istruktura ug wala pa nalakip ang mga paninda sa sulod.
Tungod sa kalisod sa sitwasyon dala sa kakuwang sa singawanan sa aso ug sa mga daling masunog nga plastik ug goma, napugos ang mga bombero nga mogamit og kemikal nga foam ug giguba ang luyong pultahan aron lang makasulod ang hangin.
Paspas usab nga gipasaka sa mga awtoridad ang maong insidente ngadto sa ikaupat nga alarma samtang padayon pa nga ginasubay ang hinungdan sa kalayo taliwala sa pagtinabangay sa pito ka BFP fire trucks ug siyam ka volunteer fire trucks
