Gipadayag ni NOMFEDTRASCO President Luzminda Escobidal nga pabor ang ilang kooperatiba sa mas gipahugtan nga pagpatuman sa LTFRB sa roadworthiness inspection sugod karong Setyembre 1.
Sumala sa opisyal, dugay na kini nilang gihangyo nga ipatuman sa ahensya apan undang-undang ang pagpatuman niini sa mga nakalabay nga adlaw.
Tumong sa maong lakang nga masiguro ang kaluwasan sa mga pasahero pinaagi sa pag-inspeksyon sa mga ligid, preno, flooring, ug sa katibuk-ang kahimtang sa sakyanan.
Labaw pa niini, bisan ang mga tradisyonal nga jeepney nga wala pa nakasubay sa modernization, ingon man ang mga modernized units, kinahanglang motuman sa maong sumbanan aron makalikay sa disgrasya sa karsada.
