Gipadayag ni Partidong Manggagawa Chairperson Ka Rene Magtubo nga naghatag og pasidaan sa ubang regional wage boards ang Temporary Restraining Order o TRO nga giduso sa pipila ka employer sa kaulohan batok sa pagtaas sa suholan.
Matud pa sa opisyal, nakabalda kini sa gihimong proseso sa konsultasyon ug pagpaminaw sa mga petisyon alang sa dugang suholan taliwala sa padayong pagtaas sa presyo sa mga palitonon ug petrolyo gawas sa NCR.
Gipasabot usab sa grupo nga nakapahinay kini sa pag-aksyon sa mga wage board nga unta nagtubag sa mga dinalian ug direktang panghitabo sa ekonomiya.
Samtang gihulat ang katapusang desisyon sa korte, gilauman nga kon maangkon na ang pag-revoke sa TRO, magpadayon na usab ang pagpaminaw sa mga hangyo sa mga trabahante alang sa usbaw sa suholan.
