Gipadayag ni kanhi Oro Chamber President Ray Talimio Jr. ang paglaum nga makatukod na og mga consular office sa Cagayan de Oro pareho sa syudad sa Davao.
Gibutyag ni Talimio kini nga tinguha human sa unang adlaw sa 33rd Mindanao Business Conference nga gitambongan sa mga ambassador gikan sa nagkalain-laing nasud.
Gipadayag usab sa lider sa negosyo nga gihisgutan sa maong tigom ang pagtabang sa mga MSME ug ang paghatag og solusyon sa El Niño, seguridad sa pagkaon, ug problema sa kuryente.
Taliwala sa maong mga isyu, gipamugos sa opisyal nga nagpabilin nga usa sa pinakadakong destinasyon sa mga investor sa Northern Mindanao ang dakbayan.
