Gipahibalo sa Philippine Atmospheric, Geophysical and Astronomical Services Administration (PAGASA-DOST) nga nakasinati pa lamang og hinay o weak El Niño ang nagkadaiyang dapit sa Cagayan de Oro ug Misamis Oriental, luyo sa grabeng kainit nga nagdala sa pagkasuspinde sa mga klase.
Sumala pa kang Weather Specialist Joe Privaldo, nagsugod pa lamang ang hulaw apan molungtad kini hangtod sa sayong bahin sa tuig 2027.
Dugang pa sa eksperto, mas mokusog pa gyud ang epekto sa hulaw inabot sa mga bulan sa Nobyembre ug Disyembre sa probinsya.
Sa kasamtangan, adunay pipila gihapon ka mga dapit nga makasinati og mga pag-ulan tungod sa epekto sa hanging habagat.
