Gipahamtang sa lokal nga gobyerno sa dakbayan sa Cagayan de Oro ang kompletong pagpahunong sa klase gikan sa lower levels hangtod high school hangtod karong adlawa,tungod sa risgo sa peligroso nga heat index.
Sa interbyu sa Bombo Radyo gipasalig ni Acting City Information Officer Jade Adeser nga gihimo kini nga lakang pinaagi sa mando ni Mayor Rolando Klarex Uy subay sa tambag sa CDRRMD ug mga eksperto sa panglawas.
Dugang pa niini, naglaum ang lokal nga gobyerno nga mobalik na sa normal ang mga klase pag-abot sa adlaw nga Lunes.
Hinuon, gitin-aw sa opisyal nga magdepende gihapon ang pinal nga desisyon sa mahimong resulta sa padayong pakig-alayon sa amahan sa syudad sa mga batid sa panahon.
