Gipahigayon sa City Disaster Risk Reduction and Management Department ang mas gipahugtan nga pagbantay aron masiguro ang kaluwasan sa liboan ka tawo nga motambong sa libreng sakay sa Maryrose Carnival sa dakbayan sa Cagayan de Oro.
Gipahayag ni CDRRMD Manager Nick Jabagat nga nagpadala sila og mga kawani sa maong dapit alang sa crowd control ug aron mapalayo ang tanan sa bisan unsang disgrasya o dautang insidente.
Gawas pa niini, gitin-aw usab sa opisyal nga hangtod sa 1,500 ka tawo ra ang gitugot nga makasulod sa samang higayon gikan sa alas singko sa hapon hangtod sa alas dose sa gabii nga operasyon.
Samtang, gipahibalo usab sa buhatan nga gawas sa petsa 13 adunay pa usab ikaduhang libreng sakay nga matagamtaman ang katawhan karong umaabot nga petsa 18 sa Agosto.
