Giangkon sa Spokesperson ni Mayor Klarex Uy nga si, Janboy Actub nga adunay mga kakulangan ug mga sayop sa gipahigayong road clearing operation sa dakbayan sa Cagayan de Oro.
Gipasabot sa maong opisyal nga gigamitan og gamay nga pwersa ang paghawan sa kadalanan tungod kay dili na maminaw sa maayong istorya ang mga ilegal nga vendor nga sige ra gihapon og balik-balik.
Gumikan niini, nanawagan ang pipila ka mga opisyal sa dakbayan sama ni Vice Mayor Jocelyn B. Rodriguez nga kinahanglang ipatuman ang pagpanakop nga adunay pagbatag kalooy sa katawhan.
Busa, gipasalig sa opisina ni Mayor Uy nga kabag-ohan ug kaayohan ang ilang buhaton sa sunod nga mga clearing operation aron mas mapanindot pa ang pagpatuman sa maong gimbuhaton.
