Madasigon nga gipahimutang sa Bureau of Fisheries and Aquatic Resources kun BFAR Region 10 ang ilang emergency response plan aron mapanalipdan ang panginabuhian sa mga mangingisda taliwala sa hulga sa red tide ug sa epekto sa El Niño sa amihanang Mindanao.
Gipahayag sa maong ahensya nga ang padayong pag-init sa panahon posibleng makadaot sa dagat, hinungdan nga mas gipahugtan pa karon ang pag-supervise sa mga harmful algal bloom ug ang pagtabang sa kapin 10,000 ka rehistradong mangingisda sa lalawigan sa Bukidnon.
Sumala ni BFAR Region 10 Chief Production Division Vianney Anthony Abella Gapuz, hugot nilang gina-monitor ang mga dapit sa mariculture sama sa Balingasag Mariculture Park sa Misamis Oriental ug ang mga fish pen sa Panguil Bay aron masiguro nga dili makuhaan ang supply sa isda sa rehiyon.
Samtang nagpabilin nga maayo ang kuha sa mga mangingisda sa kadagatan, andam gihapon ang ahensya nga mohatag og libreng tilapia fingerlings o mga puyong tilapia sa mga gagmay nga fishpond operator nga posibleng mahutdan og tubig.
