Nagpahimangno karon ang Department of Labor and Employment Region 10 sa tanang mga kompanya nga ipatuman gyud ang mga labor advisory aron mapanalipdan ang panglawas sa mga trabahante gikan sa peligro sa grabeng kainit.
Gibutyag ni DOLE-10 Technical Director JV Vasallo nga gihan-ay sa ilang buhatan ang mga sumbanan sama sa paghatag og libreng mainom nga tubig, pagpatuman og 15 ka minuto nga pahulay matag duha ka oras, ug ang paggamit og flexible work arrangement.
Gipasabot sa opisyal nga ang maong mga lakang makatabang pag-ayo aron malikayan ang dehydration o pagkahubas sa tubig sa lawas ug ang hulga sa heat stroke.
Gipahinumdoman usab sa maong buhatan ang mga amo nga kon dili kini matuman, mahimong mabalda ang panglawas ug madaot ang pagka produktibo sa mga mamumuo
