Walay gipagawas nga mando sa suspension sa klase sa dakbayan sa Cagayan de Oro alang karong adlawa taliwala sa padayong bahad sa taas nga heat index.
Matud pa sa City Information Office, ang maong desisyon gibase sa rekomendasyon sa nagkadaiyang mga buhatan sama sa CDRRMD, City Health Office, Local School Board, ug DepEd.
Bisan pa man niini, magpahigayon og dinalian nga tigom si Mayor Rolando “Klarex” Uy kauban ang mga hingtungdang ahensya aron hisgotan ang mas maayong pamaagi sa face-to-face classes alang sa kaluwasan sa mga estudyante.
Gihangyo usab ang publiko nga magpabiling alerto ug kanunay nga mosubay sa opisyal nga mga pahibalo sa dakbayan alang sa mga mosunod nga updates.
