Apiki na kaayo ang panahon aron mausab pa ang adlaw sa giplanohang pagpahigayon sa Barangay ug Sangguniang Kabataan Elections o BSKE, mao kini ang gipahayag ni Misamis Oriental Provincial Election Supervisor Attorney Carlito Ravelo bahin sa giduso nga pag-oktabar sa piniliay karong Nobyembre.
Gitudlo sa opisyal nga komplikado ang pamaagi sa pagpasa og balaod tungod kay kinahanglan pa kining moagi sa una, ikaduha, ug ikatulo nga pagbasa sa Kongreso ug Senado, diin anaa sa 11 ka managlahing sugyot nga balaod ang kinahanglan pa nga usabon ug pagahiusahon.
Subay niini, gitin-aw sa abogado nga dili sayon ang pagpahigayon sa maong lakang sanglit moagi pa kini sa bicameral committee aron matul-id ug magiyahan ang mga kabag-ohan sa matag balay sa lehislatura.
Mao nga gihimug-at sa opisyal nga kinahanglan pa nga makadawat og pirma gikan sa Presidente ang maong gihiusa nga balaod sa dili pa kini pormal nga mapatuman sa tibuok nasud
