Gikundena sa Kabataan Partylist ang giplanong pag-oktaba sa Barangay ug Sangguniang Kabataan Elections tungod sa kabalaka nga mahimo lamang kining tinubdan sa pagpangalimbong sa mga opisyal.
Sumala pa ni Cobbie Jan Canda gikan sa maong grupo, usa ka matang sa pagpangatake sa katungod sa kabatan-onan ang paglangan sa maong piniliay nga dul-an duha ka tuig nang giuktaba.
Dugang pa sa batan-ong lider, gihikawan usab niini ang katawhan sa higayon nga makapili og mga bag-ong lider nga magsilbi sa matag komunidad.
Gumikan niini, gipanawagan sa grupo nga dili na usbon ang eskedyul ug kinahanglang ipadayon na gayod ang BSKE alang sa kaayohan sa tanan.
