Nagpasalamat si Deputy Speaker Bambi Emano kang Presidente Ferdinand R. Marcos Jr. sa pagpadali sa pag-ayo sa Tagoloan Bridge, nga usa ka importanteng agianan alang sa mga tawo sa Mindanao.
Sumala sa maong opisyal, nakita gayud sa kadagkoan sa Department of Public Works and Highways (DPWH) ang grabeng kahasol ug kahuot sa trapiko nga giantos sa mga sumasakay ug drayber matag adlaw.
Dako usab ang kalipay ni Emano tungod kay gigahin gikan sa lokal nga pondo sa gobyerno ang maong proyekto imbes nga maghulat pa sa pondo gikan sa gawas sa nasud aron mas mapadali ang paghuman niini.
Dugang pa niya, gihan-ay na sa badyet sa DPWH ang ₱1.5 billion alang sa pagsugod sa pag-ayo sa maong tulay ug sa paghimo og alternatibong dalan sa dapit, samtang gilauman nga mahuman ang proyekto sa Hunyo 2027..
