Segun sa pagkalangay sa impeachment trial ni Vice President Sara Duterte dala sa daot nga panahon, misugyot si Citizen’s Watch for Good Governance Convenor Atty. Antonio Soriano sa liderato sa Senado nga mangayo og mga tip ug pointers gikan sa mga kanhing senador nga adunay kasinatian sa maong proseso.
Gipasabot sa abogado nga angay kining buhaton sa mga opisyal aron mapaspasan ang dagan sa pagdungog ug malikayan ang dugang kalangan sa mga seryosong proceedings.
Gipahayag usab niya nga nakita ang paghinay sa dagan sa pagdungog tungod sa mga giatubang nga mga legal ug politikal nga kalambigitan sa presiding officer nga si Senate President Francis Escudero.
Tungod niini, naglaum ang ilang grupo nga mahatagan og sakto nga pagtagad ang maong sugyot aron masiguro ang hapsay ug walay pinalabi nga pag-usisa sa maong kaso.
