Nagpasidaan ang Bureau of Fire Protection human mitala og sunod-sunod nga sunog ang dakbayan karong bulana sa Agosto.
Gani, gibutyag ni City Fire District Operation Chief F/SINSP John Rey-An Donasco nga sa sunog sa Ebarle Street, Barangay 30, niabot gayod sa walo ka mga residente ang naangol diin usa niini ang nakaangkon og first degree burn tungod sa pag-ambak gikan sa ikaduhang ang-ang aron makalingkawas sa kalayo.
Samtang subay sa nahitabo, gipadayag usab sa opisyal nga kinahanglan gayod ang saktong pag-amping sa mga gamit sama sa mga charger ug lighter aron malikayan ang susamang trahedya.
Busa giklaro niya nga mikabat sa usa ka libo ka square meters ang gilapdon sa maong sunog nga nakaabot sa fourth alarm ug nitala og 1.5 milyones pesos nga kadaot sa mga kabtangan.
