Gikinahanglan ang hiniusang pagpangandam sa matag pamilya aron malikayan ang dako nga kadaot panahon sa sunog o kalamidad sumala pa sa lokal nga panggamhanan.
Namahayag ang Local Disaster Risk Reduction and Management Officer II nga si AU Tangcalagan nga kinahanglan maghimo og family escape plan ang matag panimalay aron masigurong luwas ang tanan labi na ang mga bata ug tigulang sa panahon sa emerhensiya.
Gidugang pa niya nga pinaagi sa saktong pagsabot sa mga pamaagi sa pagbakwit ug pagtinabangay sulod sa pamilya mas dali nga madumala ang emerhensya.
Busa gihangyo ang publiko nga seryosohon ang paghimo og plano sa pagpangandam sa dili pa moabot ang bisan unsang katalagman sa komunidad.
